Skjønnsmidlar og fylkesløft/prosjektskjønn for 2024

Ein del av skjønnsramma skal gå til innovasjon og utvikling i kommunane. Satsingsområda for 2024 er lista under fylkesløft/prosjektskjønn.

Statsforvaltaren deler kvart år ut skjønnsmidlar til kommunane i fylket. Vi har ansvar for  ei god og rettferdig tildeling. Innspel frå kommunane er i så måte viktig. Frist for å søke om skjønnsmidlar er 1. juni 2023.

• Innspel om skjønnsmidlar kan sendast til sfmrpost@statsforvalteren.no
• Merk sendinga 2023/1230
• Søknad om fylkesløft/prosjektskjønn skal sendast gjennom prosjektportalen ISORD

Fylkesløft/prosjektskjønn 2024

Dei siste åra har vi dreia prosjektskjønn til i større grad å bidra til eit fylkesløft - som kjem mange kommunar i fylket til gode. Også denne gongen er fylkesløft retta mot berekraft, og måla i programmet Møre og Romsdal 2025. Pilarane  nedanfor er rammene for søknader til prosjektskjønn/fylkesløft for 2024:

• Sirkulærøkonomi
• Smart og bereraftig VA-sektor
• Berekraftig mat og mattryggleik
• Digitalisering av offentleg sektor
• Fattigdom og sosial inkludering
• Berekraftsertifisering av offentlege bygg

Berekraft og samarbeid som mål

Kommunesektoren er stadig i omstilling med utfordringar knytt til økonomi, kostnadsutvikling, rekruttering av relevant fagkompetanse og målsetting om å effektivisere drifta. Samtidig er det viktig å rigge seg for auka berekraft.

Kommunesamarbeid, bruk av ny teknologi og meir føremålstenleg organisering av arbeidet er tiltak som kan bidra til å utvikle og modernisere kommunesektoren.

Statsforvaltaren ønsker å stimulere til prosessar i og mellom kommunane for å utvikle tenestetilbodet og få betre økonomi i drifta. I hovudsak prioriterer vi å støtte samarbeidsprosjekt mellom fleire kommunar. Då kan prosjektmidlane få større nedslagsfelt og bidra til læring for fleire.

Kommunane kan søke om prosjektskjønn til andre fornyings- og utviklingsprosjekt enn dei som er nemnd som satsingsområde. Den økonomiske ramma for tildeling av prosjektskjønn er stram. Dei siste åra har vi difor berre funne rom for å tildele prosjektskjønn til dei prioriterte satsingane. Dette vil truleg også gjelde tildelinga for 2024.

Sjå også brev til kommunane, lenker og vedlegg (til høgre i margen) for meir informasjon.