Ekstra skjønnsmidlar grunna Covid-19

Stortinget har vedtatt å auke skjønnsramma til kommunane med 1,5 milliardar kroner i første halvår 2021, Prop. 1 S Tillegg 1 (2020-2021). Møre og Romsdal fekk 28 millionar av denne skjønnsramma til fordeling. 

Smittevern og TISK

Skjønnsmidlane skal ivareta kommunevise variasjonar i utgifter knytt til smittevern og oppfølging av TISK-strategien. Midlane blir dermed målretta til kommunar som har høgast meirutgifter i dette arbeidet under pandemien.

Fordeling av midlane

I fordelinga av midlene har Statsforvaltaren tatt omsyn til kommunene sin rapportering frå mars på meirutgifter til TISK og smittevern.

I tillegg har totalvurderinga blitt gjort ut frå: 

• Oppdaterte tall sendt inn frå dei kommunane som har hatt størst smittetrykk
• Skjønnsmidlane som ble gitt i tillegg gjennom innbyggartilskotet grunna pandemien for første halvår 2021.
• Tall for antall smitta hittil i år, samt tall for antall testa.

Midlane vert utbetalt i juli (termin 7) og er fordelt etter vedlagte tabell.