Opent fagmøte om rovvilt og beitedyr

Statsforvalteren i Møre og Romsdal, saman med kommunane i rovviltområda, inviterer til ein dag med nytt om rovvilt og beitedyr. Vi skal ha levedyktige bestandar av både gaupe og jerv i Møre og Romsdal, og vi har samtidig store utfordringar med tap av beitedyr. Det er vanskeleg å nå denne todelte målsettinga om både levedyktige rovviltbestandar og matproduksjon i same utmarksområda. Derfor må beitebrukarar, organisasjonar, forvaltning og politikarar stadig finne meir kunnskap, og prøve ut nye løysingar.

På fagdagen skal vi få presentert erfaringar frå prosjekt som har vore prøvd ut dei siste åra, samt status i rovviltforvaltninga. Vi håper å kunne få til gode diskusjonar basert på erfaringar frå dei siste beitesesongane, og inspirere til nye idear.

Tid og stad: Tysdag 31.januar 2023, Grand hotel i Åndalsnes

Program for dagen (kan komme små endringar):

Påmelding innan 16.januar til Marianne Aas Halse, Statsforvalteren i Møre og Romsdal, fmmrmaha@statsforvaltaren.no