Meir mjølk i 2024
Landbruks- og matdepartementet har sett forholdstalet for disponibel kvote for kumjølk frå 0,95 til 1,02 for 2024. Dette er gledeleg for mjølkebonden som for moglegheit til å produsera meir mjølk komande år.
Samarbeidspartane Landbruks- og matdepartementet, Noregs Bondelag og Norsk Bonde- og småbrukarlag har drøfta kvoteendringar for 2024. Marknadsregulatoren TINE greia ut situasjonen i marknaden for inneverande år, samt prognosar for mjølkeproduksjon og behov for komande år. TINE har berekna eit behov på 1 423 millionar liter kumjølk, og anbefalte å auka forholdstalet til 1,02. Anbefalinga vert støtta opp om frå Noregs Bondelag og Norsk Bonde- og småbrukarlag.
Statsråden sjølv, Geir Pollestad, seier han håpar endringa skal gi næringa eit positivt løft inn i 2023.
Geitemjølk
TINE anbefalte å videreføra gjeldande forholdstal for geitemjølk på 0,95 for 2024. Dette vil gi ein mjølkeleveranse på 17,8 millionar geitemjølk.
Artikkelen frå LMD kan du lesa her
Korleis berekna kvote
Forholdstalet brukast til å tilpassa mjølkeproduksjonen til behovet i markedet. Ein disponibel kvote, bestemmer kor mykje mjølk mjølkeprodusentane kan levera til meieri i løpet av eit kvoteår, det vil seie eit kalenderår.
Ein bereknar kvote ved å ta summen av disponibel grunnkvote, og gange med forholdstalet.
