Opent møte om Hålandsvatnet
Statsforvaltaren i Rogaland inviterer til opent møte om Hålandsvatnet 2. juni kl 17.30 – 19.00. På møtet presenterer forskarar frå Norsk institutt for bioøkonomi (NIBIO) og Norwegian Research Centre (NORCE) ein ny rapport om tilførsler av næringsstoff og behov for avslasting.
Dette innholdet er mer enn ett år gammelt. Informasjonen kan derfor være utdatert.
Rapporten er laga på bestilling frå Miljødirektoratet, og blir eit viktig utgangspunkt for vidare arbeid med å betre vasskvaliteten i Hålandsvatnet. Representantar frå Miljødirektoratet, Randaberg kommune og Stavanger kommune, samt Statsforvaltaren i Rogaland, vil vere til stades under møtet.
Etter presentasjonen av rapporten, vil det vere opent for spørsmål og kommentarar. Statsforvaltaren inviterer alle med interesse i Hålandsvatnet til å delta på møtet. Velkommen!
Tid og stad
Torsdag 2. juni kl 17.30–19.00 på Varen kulturscene, Torvmyrveien 22, Randaberg. Ingen påmelding.