Webinar om næringsutvikling i landbruket: Kompetanse om kompetanse

Vi får ein presentasjon både av vaksenagronom og om studietilbod innan landbruk som Fagskolen Innlandet kan tilby. For alle oss i forvaltninga som møter bønder er det viktig at vi kjenner til desse tilboda og kan formidle kva som finst. Kommunane er det viktigaste forvaltningsnivået i så måte sidan dei er førsteline. Kompetansetilbodet kan vere interessant for alle bønder, og kanskje spesielt interessant for nye bønder. 

I programmet er det i tillegg ein open post der kommunane kan kome med korte orienteringar og ta opp spørsmål og problemstillingar. Vi oppmodar kommunane til å nytte dette høvet! 

Mange kommunar jobbar med næringsutvikling i landbruket, og vi meiner det er både nyttig, inspirerande og interessant å høyre og dele kva som skjer rundt i fylket vårt. Dette er bakgrunnen for at Statsforvaltaren saman med fylkeskommunen og Innovasjon Norge arrangerer tre webinar i 2023 med temaet næringsutvikling i landbruket. Tidlegare har vi hatt webinar 3. mai om bondens nettverk/beredskap og 6. september om biogass. 

Frist for å melde seg på er måndag 20. november.

Alle påmeldte får tilsend lenke til Teamsmøte på e-post.

Vel møtt!