Kronprinsparet markerer 50-årsdagane med fem reiser i Noreg
Til sommaren fyller Dei Høgvørde Kongelege Kronprinsparet begge 50 år. Kronprinsparet ønskjer å markere dette ved å løfte fram noko av det dei set aller størst pris på i Noreg.
Dette innholdet er mer enn ett år gammelt. Informasjonen kan derfor være utdatert.
Det er veldig hyggjeleg at ei av reisene gjekk til Vestfold og Telemark fylke!
Handverk og tradisjon var tema for det nesten to timar lange besøket til Raulandsakademiet i Vinje kommune. Viktige delar av den norske kulturarven ligg her, og akademiet er ein av dei sentrale institusjonane i landet for norsk handverk og tradisjonskunnskap. Kronprinsessa er sjølv ein aktiv vevar, og har tidlegare delteke på kurs ved Raulandsakademiet for å lære meir om dette tekstilfaget.
Fungerande statsforvaltar Fred-Ivar Syrstad, ordførar Jon Rikard Kleven og konstituert visepolitimeister Lena Fosaas Reif tok imot Kronprinsparet. Vertskapet ved rektor Petter Aasen, Stian Roland frå USN og Torild-naustvik Jortveit viste Kronprinsparet rundt i akademiet. Her vart stopp i metall- og smykkeverkstaden, treverks- og instrumentlageverkstaden og tekstilverkstaden. På slutten av omvisninga fekk Kronprinsparet oppleva dans og musikk i Vinjesalen, før det vart servert kaffe og nysteikt kling. Det vart teke avskjed med Kronprinsparet under store snøflak, etter eit vellykka og hyggjeleg besøk på Raulandsakademiet.
