No kan du søkje om tilskot til å ta vare på verdifull natur!

Du kan søkje om støtte til å ta vare på trua artar og naturtypar, pollinerande insekt, kulturlandskap, vassdrag, fisk, lokale vilttiltak og tiltak mot framande artar. Målgruppa er grunneigarar, lag og foreiningar på lokalt og regionalt nivå, privatpersonar, landsdekkande organisasjonar, kommunar, verksemder og institusjonar.

Nokre eksempel på tiltak er:

• Skjøtsel og vedlikehald, som til dømes slått av slåttemark, tilrettelegging for beite på naturbeitemark, tiltak som hindrar gjengroing eller fjerning av framande artar.
• Konkrete tiltak for enkelte artar, slik som flytting av individ, reintroduksjon og innsamling av frø.
• Tiltak som krev tilpassa bruk på areal som inngår i drift av eit landbruksføretak, eksempelvis inngjerding av trua artar.
• Kartlegging og overvaking i tilknytting til tiltak.

Rundskrivet (lenke i menyen til høgre) gir orientering om tilskotsordningane og kva det er mogleg å søkje på. Merk at målgruppe og type tiltak vil variere mellom dei ulike ordningane. Du kan òg få ei oversikt over dei ulike søknadsordningane her.

Korleis søkje:

Du kan gå direkte til søknadssenteret. Her kan du registrere deg som søkjer og finne informasjon om søknadsprosedyren saman med omtale av dei enkelte tilskotsordningane. Rapportering av tiltak det er gitt tilskot til, skal også skje gjennom søknadssenteret. 

Søknadsfrist:

15. januar 2024

Ansvarleg: Statsforvaltaren i Vestfold og Telemark

Kven kan søkje:

Grunneigarar, privatpersonar, frivillige organisasjonar, kommunar, verksemder og institusjonar kan søkje om økonomisk stønad for å betre natur- og miljøtilstanden i fylket.