Storsteinfjell naturreservat

Storsteinfjell er eit nær urørt naturområde med naturskog av furu med høg alder og grove dimensjonar. Området har særskild vitskapeleg verdi som typeområde. Eit typeområde er eit område med ein særskild naturtype som får utvikle seg utan å bli påverka av menneske i særleg grad, og som ein kan samanlikne med når ein skal vurdere korleis ulike faktorar påverkar naturen.

Området er freda for å ta vare på eit nær urørt naturområde med sitt biologiske mangfald i form av naturtypar, økosystem, artar og naturlege økologiske prosessar.