Færre klagesaker etter sosialtenestelova
I 2020 behandla Fylkesmannen i Vestland 344 klager på vedtak etter sosialtenestelova. Det er 30 prosent færre klager enn året før, då vi behandla 492 klager.
Dette innholdet er mer enn ett år gammelt. Informasjonen kan derfor være utdatert.
I 2020 behandla vi sosialklagesaker frå i alt 31 Nav-kontor. Frå dei resterande 16 Nav-kontora fekk vi ingen klagar. I gjennomsnitt brukte vi 0,7 månad per klagesak.
Vi stadfesta 78,3 prosent av dei vedtak som var klaga på, slik at klagar ikkje fekk medhald. Vi gav klagar medhald i 4,3 prosent av klagesakene, ved at vi omgjorde Nav-kontoret sitt vedtak. I 17,4 prosent av klagesakene fann vi feil ved Nav-kontorets vedtak, slik at vi oppheva vedtaket og sende saka tilbake til Nav til ny behandling.
Desse elleve Nav-kontora hadde ti eller fleire sosialklagesaker i 2020:
| Nav Årstad | 53 |
| Nav Bergen vest | 48 |
| Nav Bergen nord | 41 |
| Nav Øygarden | 31 |
| Nav Bergenhus | 28 |
| Nav Bergen sør | 17 |
| Nav Askøy | 14 |
| Nav Kvinnherad | 12 |
| Nav Alver | 12 |
| Nav Sveio | 11 |
| Nav Høyanger | 10 |