Webinar om TISK-øving for kommunane

Fylkesmannen har utarbeidd eit øvingsopplegg som vil bli delt med kommunane, med tanke på lokale øvingar. Øvingsopplegget er knytt til TISK-strategien (Testing Isolering Smittesporing Karantene) og er lagt opp som diskusjonsøving med tidsramme på om lag to og ein halv time. Øvingsopplegget legg særleg vekt på raskt å kunne starte arbeid med smitttesporing for å slå ned lokale utbrot. 

Vi trur at ei øving både vil bidra til å gjere kommunane tryggare i oppgåveutføringa og gje eit fagleg grunnlag for ein god prosedyre (tiltakskort) for smittesporing og anna arbeid med TISK, før det kjem eit utbrot.

I webinaret vil vi presentere øvingsopplegget og diskutere om og korleis kommunane konkret kan gjere seg nytte av det. Vi ønskjer òg å kunne bidra til å overføre erfaringar frå dei kommunane som allereie har vore gjennom eit eller fleire utbrot. Det vert såleis òg tema på møtet.

Informasjon og kalenderinnkalling med lenke til webinaret/møtet (Teams) er sendt direkte til rådmann/kommunedirektør, kommuneoverlege/smittevernlege, beredskapskontakt og postmottak i kommunane. 

Ved spørsmål, ta kontakt med Martin Fosse (mfoss@fylkesmannen.no, telefon 55 57 21 53/936 30 224).