Tilskot til miljøtiltak i skog

Ordninga er beskrive i «§ 6: Tilskudd til miljøtiltak i skog» i «Forskrift om tilskudd til nærings- og miljøtiltak i skogbruket».

Sjå temaside hjå Landbruksdirektoratet for krav til søknad og informasjon til skogeigar: Tilskudd til miljøtiltak i skog - Landbruksdirektoratet

Det vert kvart år oppretta ei nasjonal ramme med midlar som er øyremerkt ordninga. I tildelingsbrev frå Landbruksdirektoratet er fordeling og innretting av de øyremerka midlane omtalt i:
Miljøtilskot 2023 – til forvaltinga.

Kommunane kan utover dette tildele midlar frå kommunen si ramme for NMSK-midlar.

Det kan gis tilskot til:

§6a - Skjøtselstiltak

Tilskot til å dekke meirkostnader eller tap ved å gjennomføre skjøtselstiltak for å ivareta og utvikle verdiar knytt til biologisk mangfald, landskap, friluftsliv og kulturminne.

Det kan gis inntil 70 % tilskot.

Eksempel på bruk:

• Skånsam drift rundt nøkkelbiotop (faste køyrespor, manuell hogst, bruk av vinsj).
• Manuell felling av gran i nøkkelbiotop.
• Omsyn til sti/gl. postveg/steingjerde (omkøyring, bygge kryssingspunkt).
• Tap ved skade på tre/hogst av tre ved anlegg av sykkelløypar, turstiar m.m. (i samarbeide med foreining/lag).
• Styving av tre i nøkkelbiotopar.
• Fjerne sjølvsådd sitka i kystlynghei.
• Lukka hogstar i buffer rundt regnskog (som er registrert som nøkkelbiotop).
• Synleggjere kulturminne

§6b - Langsiktig bevaring

Dekke tap for skogeigarar som tar vare på nøkkelbiotopar/rovfuglreir/tiurleikar.

Det kan gis inntil 30 % tilskot. Berekning av tilskot er beskrive i tildelingsbrev.

Eksemplar på bruk:

• 10 års avtale om å sette av nøkkelbiotopar som urørt
• 10 års avtale om å sette av areal rundt rovfuglreir som urørt

§6c - Ta vare på område utan tekniske inngrep

Dekke tap for skogeigarar som avstår frå å bygge veg som kan redusere «villmarksprega områder».

Det kan gis inntil 70 % tilskot.

Søknadsprosess og behandling i ØKS

Sjå tildelingsbrev ovanfor.

Under «Hjelp» i ØKS ligg det ein video som viser korleis kommunen handsamar søknaden i ØKS. (Hjelp -> Opplæring -> Tilskudd og søknader -> Miljøtilskudd i ØKS)

Sjå òg kapitel 6 og kapitel 9 i brukarmanual for ØKS.

Skogeigar kan fortløpande søkje på ordninga.

Når kommunen skal tildele frå nasjonal pott, brukar ein «grunnsøknad» (frå skogeigar sin skogfondkonto). Søknaden frå skogeigar vert registrert i ØKS av kommunen eller av skogeigar i Altinn. Etter at søknaden er registrert («registrering fullført»), vert funksjon i ØKS endra til sakshandsaming. Når tilskot til miljøtiltak vert tildelt frå kommunens eigen pott, er det «prosjektsøknad» ein skal nytte. «Prosjektsøknad vert òg nytta ved søknad frå eigedom utan skogfondkonto.