Nytt nettverk for urbant landbruk i Vestland

Lystgården i Bergen leiar prosjektet og det vert drifta i lag landbruksavdelinga hjå Statsforvaltaren i Vestland. Lystgården på Landås har utvikla Bybonden i Bergen – senter for urbant landbruk, i lag med Bondelaget i Vestland. Erfaringane som Bybonde-teamet i Bergen har gjort seg, i lag med etat for landbruk i Bergen kommune, vil bli delt med urbant landbruksnettverket i Vestland i 3 år framover. Representantane i nettverket kjem frå både landbruks-og planavdelingar i pilotkommunane.

Lokal forankring

Aktivitetane i som vert prøvd ut i pilotkommunane i Vestland, bør lett kunne speglast i Nasjonal strategi for urbant landbruk (2021). Kommunane skal freiste å forankre urbant landbruk i sin kommune, og bake det inn i lokale strategiar eller handlingsplanar i sine organisasjonar, i frivilligheita og lokalsamfunnet i stort. Fagsamlinger og studieturer vil inspirere og vise korleis ein arbeider med urbant landbruk i praksis; i forvaltninga og i samarbeid med eksterne aktører og ildsjelar for å nå nasjonale og lokale måsettingar.

Lære av kvarandre

Urbant landbruks er i si natur tverrfagleg og tufta på samarbeid mellom etatar og miljø i kommunane. Men korleis ein skal gjere det, finst det ikkje ein fasit på. Fyrste steg i denne erfaringsutvekslinga var å sjå på kva erfaringar dei har gjort seg i Bergen og Os dei siste åra. Målet med studieturen var difor å bli inspirerte og sjå korleis ein kan overføre eksempla frå studieturen til sin eigen kommune. Til hausten skal deltakarane møtast og drøfte kva ein kan jobbe med gjennom vinteren for å skape nye eller utvida urbane landbruksaktivitetar i sin kommune i 2024.

Studieturar i 2023

Studieturen hadde eit tettpakka program for ein dagstur til ulike urbane landbruksprosjekt på strekninga Bergen – Os i slutten av juni i år.

Programmet kan de laste ned nest eller i høgre kolonne på denne nettsida.  Vidare i teksten vil de sjå bilete frå stoppestadene med fyldige bilettekstar - sjå også lenkene i overskriftene til biletene.

Neste studietur vil vere til Bodø i slutten av september i år, kor dei vil møte ulike kommunar i Nordland, Troms og Finnmark. På denne studieturen vil ein sjå på korleis urbant landbruk kan koplast til beredskap og matsikkerheit lokalt.

Studieturen Bergen - Os

 

Landås menighet eldresenter

Fløenbakken-og Storetveit parsellag

Bønes barneskole

Framnes Gård og Parsellhagar

Prestegårdshagen på Os  

Testbedene på Stend