Høyring vern av skogområde

Høyringa gjeld:

• Utviding av Flåstranda og Hisdalen naturreservat, Sunndal (360 daa)
• Utviding av Vasselen naturreservat, Tingvoll (60 daa)

Områda ligg på privat grunn og er med i ordninga med friviljug vern av skog. Føremålet med vernet er å ta vare på biologisk verdfulle skogsmiljø. I Flåstranda er det ein kalkrik furuskog, medan Vasselen har ein rik edellauvskog. Begge naturtypane er dårleg representerte i verneområda i fylket, og her er også mange raudlista artar. Det er difor svært viktig å ta vare på desse områda.

Med vern som naturreservat blir områda omfatta av den strengaste verneforma vi har etter naturmangfaldlova. Naturen blir sikra mot inngrep samstundes som vanleg friluftsliv, jakt og fiske kan halde fram som tidlegare.

Merknader til verneframlegga må sendast Statsforvaltaren i Møre og Romsdal, Postboks 2520, 6404 Molde, eller på e-post til sfmrpost@statsforvalteren.no innan 09.02.2023.