Søk tilskot til førebyggande tiltak mot rovviltskader og konfliktdempande tiltak

Søknadane skal sendast inn elektronisk via  Miljødirektoratet sitt elektroniske søknadssenter innan 15.februar 2021. 

I Møre og Romsdal har fleire kommuner oppretta kommunale rovviltutval som samordnar FKT-tiltak i ein felles søknad om FKT-middel. Dette gjeld kommunane Surnadal, Tingvoll, Sunndal, Molde, Rauma og Fjord

Førebyggande og konfliktdempande tiltak (FKT)

Målet med tilskotsordninga er å sikre iverksetting av effektive førebyggande tiltak for å minske dei skadane rovvilt kan forårsake på produksjonsdyr i landbruket og tamrein. Målet med konfliktdempande tiltak er å minske ulemper for lokalsamfunn og andre grupper. Tilskot skal bidra til en god samordning av verkemiddel frå landbruk og miljø innan rovviltforvaltninga. I  Miljødirektoratet sitt elektroniske søknadssenter kan ein kan velje mellom 3 ulike skjema:

Skjema 1: Direkte tapsreduserande tiltak – førebyggande tiltak

Kommunale rovviltutval og beitelag, samt eigarar av produksjonsdyr i landbruket og tamreineigarar, kan søkje om tiltak som har en direkte tapsreduserande effekt, eller der ein kan oppnå ein slik effekt ved kombinasjon av verkemiddel.

Skjema 2: Konfliktdempande tiltak

Personar, kommunar og organisasjonar kan søkje om middel til tiltak som har som mål å dempe konfliktar i samfunnet forårsaka av rovvilt. Tiltaka skal bidra til økt kunnskap om rovvilt og rovviltforvaltning. Tiltak retta mot barn og unge vert prioritert.

Skjema 3: Akutte tiltak

Under skadesituasjonar i beitesesongen kan ein søkje om tilskot til akutte tiltak; som intensivt kortvarig tilsyn, kadaversøk med hund, sanking av beitedyr til beredskapsbeiter, eller skadefellingsforsøk. Søknad om akutte tiltak har ingen søknadsfrist. Ein må kontakte Statsforvaltaren i Møre og Romsdal for å gjere avtale, og sette i verk tiltak så rask som mogleg.