Informasjonsbrev veke 24/2023

Markdagar med tema slåttemark, pila alm og solblom 

Statsforvalteren i Møre og Romsdal og Norsk Landbruksrådgiving Nordvest arrangerer to markdagar i juni. Her får du fagleg påfyll om biologisk mangfald, med fokus på slåttemark, pila alm og solblom.  

• Mogstad i Surnadal søndag 18. juni kl. 11.00. Tema slåttemark og pila alm. Meir informasjon finn du her 

• Sollia i Vaksvika søndag 25. juni kl. 11.00. Tema slåttemark og solblom. Meir informasjon finn du her  

 
Kontaktperson: Ragnhild Naug Aas 

Massivoppdatering av arealtal i Landbruksregisteret hausten 2023 

Landbruksdirektoratet vil som føregåande år gjennomføre automatisk oppdatering av arealtal i Landbruksregisteret i haust. Det er mindre endringar knytt til frist for når kommunane må avslutte sine oppdateringar. Vidare vil no fleire meldingar etter massivoppdatering, som ikkje er avgjerande for søknad om arealtilskot, vere filtrert bort.  

Sjå: Infoskriv frå Landbruksdirektoratet om massivoppdatering 

Kontaktperson: Odd Løset  

Informasjonsbreva er komne for å bli! 

Hausten 2022 starta Landbruksavdelinga opp med informasjonsbrev til kommunal landbruksforvaltning ein gong for veka. Dette skulle i fyrste omgang vere eit prøveprosjekt. I spørjeundersøkinga som vi sendte ut i mai fekk vi svært gode tilbakemeldingar, så informasjonsbreva held difor fram vidare. 

Lurer du på kvar du finn att tidlegare utsende informasjonsbrev? Dei finn du her. 

Gje oss gjerne tilbakemelding på forbetringar! 

Kontaktperson: Brit Kari Eidseflot Hauger 

ØKS: Godkjenne virkesopplysningar 2023-06 – Frist 26. juni 

Virkesopplysningar for periode 2023-06 er klar for kontroll og godkjenning i kommunane. Frist for å godkjenne er 26. juni. Det er viktig at dette blir godkjent innan fristen! Hugs også eventuell fil med manuelt registrert virke.   

Kontaktperson: Åslaug Røberg 

Langtidsvêrvarsling 

Statsforvaltaren er involvert i Climate Futures. Målet er å etablere eit samarbeid mellom produsentar, organisasjonar og forskingsgrupper for å redusere klimarisiko i Norge.  

Eit 4 vekers langtidsvarsel er no til uttesting. Det er mogeleg å melde seg på varsel gjennom sommarsesongen 2023. Dette vert utsendt kvar fredag. Den som ynskjer å få tilsendt varsel, må svare på ei kort spørjeundersøking om nytteverdien etter sesongen. 

Registrering for langtidsvarsling kan du gjere her. 

Kontaktperson: Brit Kari Eidseflot Hauger 

Kurs og påfyll for lokalmatprodusentar 

I samarbeid med Kompetansenettverk lokalmat Midt-Norge arrangerast det fleire kurs for lokalmatprodusentar i Møre og Romsdal. 

• Unik opplæring i og bruk av ville vekster fra sjø og land (oppstart juni 2023, 3x todagers samlingar) 

• Salg og marked (Oppstart høsten 2023, 3x todagers samlingar) 

• Digitalt melkeforedlingskurs (lørdag 9.september, for nyetableringar og dei som ønskjer repetisjon) 

Del gjerne info til aktuelle produsentar i ditt nærmiljø! Meir delbar info finn du her. 

Kontaktperson: Marie Teigland 

Omfordeling av SMIL-midlar  og tilskot til tiltak i beiteområder 2023 

Ja no nærmer det seg sommerferien,   og plutselig er høsten her og tida for omfordeling av SMIL-midlar og tilskot til tiltak i beiteområder står for tur. 

Håper dere er i full sving med behandling av søknadar og får registrere løyvingane  fortløpende, slik at alle løyvingane er med når vi hos Statsforvaltaren dreg inn og omfordeler alle midlar som ikkje er løyvd innan 1. oktober 2023. 

Vi viser ellers til vårt fordelingsbrev av Januar 2023 der dere  blant anna finn ei orientering om dette og ei liste over fristar og viktige datoar.  

Kontaktperson: Ragnhild Naug Aas , Marianne Aas Halse og Tone Helen Rørseth