Informasjonsbrev veke 43/2023

Invitasjon til webinar om slåttemark 29. november kl. 19.30 - 21.20.  

Statsforvaltaren i Møre og Romsdal skal i samarbeid med Norsk Landbruksrådgjeving Nordvest halde webinar om slåttemark. 

Tema: Artsmangfald i slåttemarka, skjøtsel og tilskot.  

Målgruppe: Grunneigarar, drivarar og andre som er interessert i å lære meir om skjøtsel av slåttemark. 

Webinaret er gratis. Det er ingen påmelding, men set av datoen i kalenderen. 

Vi oppmodar kommunane til å dele invitasjonen med grunneigarar, drivarar og andre i kommunen. 

Meir informasjon om og lenke til webinaret finn du ved å følge denne lenka.  

Kontaktperson: Marita Fjelle (Miljøvernavdelinga)  

Matglede på agendaen på Stranda 

Meir mat- og måltidsglede hos eldre var målet då Stranda omsorgssenter og Matgledekorpset i Møre og Romsdal inviterte til arbeidsseminar ved Stranda omsorgssenter 17. oktober. 

Matgledekorpset er finansiert gjennom prosjektmidlar frå Landbruks- og matdepartementet. Korpset jobbar med å skape meir mat- og måltidsglede hos eldre. Mindre matsvinn, god helse, brukarinvolvering og bruk av lokale/regionale råvarer i sesong er også viktig. Landbruksavdelinga leier prosjektet i godt samarbeid med helse- og sosialavdelinga. 

Etter søknad er to institusjonar til valgt ut til å vere vertskap for arbeidsseminar med Matgledekorpset. Dette er Sandetun i Sande kommune 28. november og Eide omsorgssenter i Hustadvika 29. november. I tillegg er det planlagt eit Matglede-webinar i desember. 

Kontaktperson: Marie Teigland  

Utvida søknadsfrist for Regionalt Miljøtilskot i jordbruket (RMP) 

Søknadsfristen er normalt 15.oktober, men er no opna for å levere fram til og med 29.oktober, utan å få trekk for levering etter fristen.  

Årsaka til den utvida søknadsfristen er tekniske problem i søknadsportalen for RMP.  
Vi oppmodar kommunane til å informere om denne utvidinga. 

Lenke til meir informasjon om ordninga på Statsforvaltaren si heimesida. 

 
Kontaktperson: Andreas Lilleheier Aarset og Per Eldar Nakken