Løyve til Hauge Aqua Farming AS
Hauge Aqua Farming AS får løyve til heil-lukka flytande oppdrettsanlegg for laks, aure og regnbogeaure.
Dette innhaldet er meir enn eitt år gammalt. Informasjonen kan derfor vere utdatert.
Fylkesmannen i Møre og Romsdal har den 16.04.2020 gitt løyve etter forureininslova til Hauge Aqua Farming AS. Løyvet gjeld eit heil-lukka, flytande oppdrettsanlegg (kjent som «Egget») for laks, aure og regnbogeaure på lokaliteten Geilbukta i Rauma kommune.
Hauge Aqua Farming AS si løysning «Egget» er heil-lukka og skal hindre rømming av laks og hindre spreing av lakselus og sjukdommar. Anlegget skal og reinse utsleppsvann for fôrrestar og avføring. Fylkesmannen har stilt krav til reinsegrad på 50 % reduksjon av suspendert stoff (SS) og 20 % reduksjon av organisk stoff.
Vedtak med løyve kan lesast via lenka som ligg under relaterte dokument på høgre del av denne sida.