Nye verjefullmakter
Samfunnet vert stadig meir digitalisert, men digitale løysningar er ofte ikkje laga slik at ein person kan ta i bruk dei på vegne av andre. Det fører til meirarbeid både for verjene og verksemdene verjene samhandlar med.
Dette innhaldet er meir enn eitt år gammalt. Informasjonen kan derfor vere utdatert.
Ved å digitalisere verjefullmaktene, kan desse brukast til digital identifisering, og gjere det mogeleg for verja å bruke digitale sjølvbetjeningsløysningar på vegne av personen han eller ho er verge for.
Det er no starta opp eit nasjonalt prosjekt for digitalisering av verjefullmakter og Statsforvaltaren i Møre og Romsdal er saman med Statsforvaltaren i Rogaland plukka ut som pilot for å teste ut det nye systemet.
I praksis inneberer dette at vi frå 15.april 2021 sender ut en ny type verjefullmakter i nye verjemålssaker.
Desse fullmaktene vil fastslå konkret kva tenesteområde verja har fullmakt på. Kvart tenesteområde som er oppført i fullmakta har eit definert innhald og ei definert avgrensing. Ei nærare beskriving av dette finner du på sida www.vergemal.no/fullmaktstekst
Framover vil Statens sivilrettsforvaltning arbeide for å få på plass digitale koplingar mellom vårt saksbehandlingssystem der vi gjev tilgangar, og mot dei ulike instansane sine datasystem. Fullmaktene vert gjort tilgjengeleg via folkeregisteret. Det er ikkje enda klart for å kople tilgangar digitalt, men første steg for å komme dit er no i gang. Arbeidet startar opp for fullt i hele landet frå september 2021, og statsforvaltaren vil i løpet av 2021 og 2022 sende ut nye verjefullmakter i alle gamle verjemål. I denne perioden vil det difor sirkulere verjefullmakter både etter gamalt og nytt system som er gyldige.
På www.vergemal.no/fullmaktstekst finn ein meir informasjon om fullmaktene og du kan sjå eksempel på korleis dei nye fullmaktene ser ut og ei nærare omtale av dei ulike tenesteområda som kan stå i fullmaktene.
Vi har stor tru på at prosjektet på sikt vil gje dykk ein mykje enklare digital kvardag som verje.