Matgledekorpset introdusert for pensjonistar i Bjerkreim
Eldre som bur heime er heilt sentralt i samarbeidet mellom Bjerkreim kommune og Matgledekorpset. Avtalen blei markert med eit stort pensjonisttreff i Vikeså.
Dette innhaldet er meir enn eitt år gammalt. Informasjonen kan derfor vere utdatert.
Rett i underkant av 50 pensjonistar var samla på Samfunnshuset i Vikeså i førre veke. Dei fekk høyre om Matgledekorpset av Heidi Netland Berge, og om kvifor vi har så stort engasjement for eldre heimebuande og om dei komande inspirasjonssamlingane på nyåret. Sentralt tema er korleis vi kan stimulere til meir førebygging framfor behandling.
Ber dei eldre samla oppskrifter og dela kunnskapane sine
Kommunen stilte med både ordførar Kjetil Slettebø, kommunalsjef for levekår Øyvor Sønstabø, soneleiar Ellen Cecilie Vikeså og kjøkensjef Ann Karin Hammer. Ordførar Kjetil Slettebø oppfordra til å bruke norske råvarer og lokal mat som er trygg og god å ete, og han ba dei eldre om å samle på oppskrifter og overføre kunnskap om mat og tradisjonar til neste generasjonar.
Ann Kristin Hammer hadde laga til fantastiske smaksprøvar som kan fungere som både mellommåltid og dessertar. Det var byggryn med kesam og bringebær, fløyterand, og mykje meir.
Her finn du intensjonsavtalen