Marin forsøpling

Kva gjer eg når eg vil rydde?

Gå inn på ryddeportalen Rydde.

Her kan du finne ulike ryddeaksjonar som holdast i Norge.

Her kan du også registrera område som har behov for å bli rydda, opprette en eigen ryddeaksjon eller finne ut kvar ein kan få utstyr til å rydde.

I Vestfold kan skjergardstenesta hente søppelet og frakte det til eit mottaksanlegg. Sjå her for meir informasjon.

Statsforvaltaren sitt ansvar

Statsforvaltaren har en rekke oppgåve for å redusere marin forsøpling i vårt fylke:

• Ha oversikt over og bringe saman aktørar som driv med opprydding.
• Føre tilsyn med verksemder og følgje opp at dei har ei god handsaming av ulike typar avfall og at dei levere avfall til godkjent mottak.
• Godkjenne avfallsplanar for hamner.
• Jobbe for ei god handsaming av brøyta snø.

Kommunen sitt ansvar

Kommunen er styresmakt for forsøpling. Det betyr at dei skal føre tilsyn med forsøplingssituasjonen i kommunen og følgje opp forsøplingssaker. Når kommunen får melding om eit forsøpla område eller oppdagar områder som er forsøpla, kan dei pålegge den ansvarlege å rydde opp etter seg. Kommunen kan også rydde opp og sende rekning til dei ansvarlege. Dette gjeld både på offentleg og privat eigedom. Jobben er viktig for å hindre at meir avfall gjer skade på land eller kjem ut i havet.

Om marin forsøpling

Marin forsøpling er eit av dei største miljøproblema vi har i verda i dag. Vi ser at menneskapt avfall ikkje forsvinn, men blir liggande i store mengder i havet, både på havbotn, i vassmassane og langs strendene. Over heile verda lid eit stort antal fugl, fisk og andre dyr kvar dag som følgje av skadar frå søppla i havet. Plasten kan mellom anna føre til kveling, indre skader, forgifting og problem med fordøyinga til dyra.

Avfall blir transportert lange veger med vind og havstrøymer og hamner i andre deler av verda. Blant anna finn vi langtransportert plast igjen i Arktis.

Mikroplast

Mikroplast er et aukande problem og har fått feir fokus. Mikroplast er små plastpartiklar og har en rekke kjelder:

• større artiklar av plast som blir brote ned av vind, UV-strålar og bølgjer
• kosmetikk
• klede av syntetiske fiber, til dømes fleece
• granulat frå kunstgrasbanar
• slitasje frå gummidekk

Det er få reinsemetodar som fangar opp desse partiklane og dei kjem ut i havet gjennom avløpssystem og avrenning frå land.

Ein ser nå også på nanopartiklar av plast for å sjå om dei kan bli samla opp i organismar.