Vi stansar ikkje mottaket av avfall ved biogassanlegget til Renevo på Stord
Verksemda legg fram estimering på at biogassanlegget på Eldøyane vert drifta innanfor luktgrensa fastsett i løyvet. Vi vedtek difor ikkje stans i mottak av avfall som tidlegare varsla.
Dette innhaldet er meir enn eitt år gammalt. Informasjonen kan derfor vere utdatert.
Vi tek tilbakemeldinga frå verksemda til etterretning. Verksemda legg fram estimering på at biogassanlegget på Eldøyane på Stord vert drifta innanfor luktgrensa fastsett i vilkår 5.2 i løyvet datert 30. august 2019. Vi vedtek difor ikkje stans i mottak av avfall som varsla i brev datert 23. juni 2023. Brevet datert 4. juli finn du til høgre i denne nettsaka.
Alle løyver etter forureiningslova og alle tilsyn til verksemder med løyve etter forureiningslova er offentleg tilgjengeleg på www.norskeutslipp.no.
Statsforvaltaren var på tilsyn hos biogassanlegget til Renevo på Eldøyane på Stord i april. Du finn lenke til nettsak om at biogassanlegget har overskride grensene for luktutslepp til høgre.
Kontaktpersonar
-
Sissel Storebø
Tlf: 55 57 23 17 / 92 82 78 65
