Tilsyn med Lærdal kommune si gjennomføring av kartleggingsprøver 1. – 4. trinn

Tema for tilsynet er:

1. Gjennomføring av kartleggingsprøver 1. – 4. trinn, jf. forskrift til opplæringslova § 2-4
2. Skulen si oppfølging av kartleggingsprøvene og tidleg innsats, jf. opplæringslova § 1-4.
3. Skuleeigars ansvar for at kartleggingsprøvene vert gjennomførde i tråd med retningslinjene og at resultata vert følgde opp slik at elevar som hamnar under bekymringsgrensa på prøvene, får nødvendig og tilpassa opplæring.

Føremålet med tilsynet er å styrke skulen si gjennomføring av dei nasjonale kartleggingsprøvene. Gjennom kontroll med oppfølginga av dei rettslege krava frå skuleeigaren og skulane si side, skal eventuell lovstridig praksis avdekkjast og rettast opp.