Nettverkssamling for samfunnstryggleik og beredskap

Målet er å legga konferansen til ulike kommunar i heile fylket. I tillegg til beredskapskontaktane er også kommunikasjonsmedarbeidarar i kommunane inviterte – og eit utval etatar som kommunane har beredskapsfagleg kontakt med.

Totalberedskap er huvudtemaet i år

Eitt hovudtema på samlinga blir totalberedskap. Fleire regionale aktørar og nokre kommunar er i gang med eit totalberedskapsprosjekt. FylkesROS er revidert i år og me har utarbeidd scenario for sikkerheitspolitisk krise og krig. Atomtryggleik i lys av krigen i Ukraina – og kraftmangel – utfordrar beredskapen.

Eit anna sentral tema er førebyggjande samfunnstryggleik i tida etter kommunevalet. I haust har me sett at klimarisiko og klimaomstilling er eit viktig tema, særleg i lys av hendingar som "Hans". Sist haust fekk me urovekkande meldingar om låg fyllingsgrad i vassmagasina og auka risiko for rasjonering av kraft. Arbeidet med rasjoneringsplanar starta derfor. Kraftforsyningas distriktssjef (KDS) skal informera om prosjektet for å forsøka å skapa felles kriterium for prioritering av kraft.

Nytt krisehandteringssystem skal takast i bruk

Overgangen frå krisehandteringssystemet CIM til det nye Rayvn skal også viast plass på denne samlinga. Me deler erfaringar frå implementeringsprosessen og reflekterer rundt korleis me kan hjelpa kvarandre i overgangsfasen.

Statsforvaltaren informerer elles om pågåande prosjekt og nyheiter innan samfunnstryggleik og beredskapsfeltet.

Meld deg på innan 27. september!

Me håper på god deltaking og at flest mogleg kan vera med på heile samlinga, inkludert middag og sosialt samvær på kveldstid. Fleire kommunar har nye beredskapskoordinatorar som det er nyttig å bli kjende med, og me skal laga eit godt fagleg og sosialt program for både nye og erfarne.

Programmet legges ut på denne siden når det er klart.

Påmeldingsfristen er 27. september og avbestilling etter denne datoen blir ikkje refundert.

Her melder du deg på