Njuolggadusat ja geatnegasvuohta geavahit friija árvvoštallama
Jos don ozat sosiálaveahki, de fertet vuos leat geavahan iežat vejolašvuođaid fuolahit alddát, dahje don galggat leat geavahan ruđalaš vuoigatvuođaidat, omd. oadjovuoigatvuođaidat. Sosiálabálvalusaid váldoovddasvástádus lea gielddain, ja Nbč-kantuvrrat fuolahit gielddaid bargguin dán suorggis. Leat ráhkaduvvon njuolggadusat, mat rávvejit dan hárrái, man ollu ovttaskas olmmoš sáhttá oažžut doarjaga, muhto gielddain lea vuoigatvuohta ja geatnegasvuohta geavahit friija árvvoštallama, ja árvvoštallat juohke ášši sierralagaid.
Fylkkamánni doaimmat
Jos don ozat sosiáladoarjaga ja Nbč-kantuvra hilgu du ohcamuša, de sáhtát váidalit mearrádusa. Don sáddet dalle váidalusa gildii, mii fas sádde dan fylkkamánnii.
Fylkkamánnis lea gozihanovddasvástádus, mii mielddisbuktá, ahte das lea vuoigatvuohta ja geatnegasvuohta gozihit dan, čuovvugo gielda geatnegasvuođaid, mat das leat Nbč sosiála bálvalusaid lága 4. kapihttala vuođul. 4. kapihtal mudde earret eará ruhtadoarjaga oktagaslaš bálvalusaid lága vuođul.
Vealgerávven
Gielda galgá fállat ássiidasas ekonomiija rávvema dahje vealgerávvema. Rávvenbálvalusa fállet dávjá báikkálaš Nbč-kantuvrra olis, ja bálvalusa fállet sosiála bálvalusaid lága vuođul. Fylkkamánni bargá gielddaid guovdu ja fállá earret eará oahpahusa ja kurssaid gielddabargiide.
Relevánta liŋkkat:
- Nbč sosiála bálvalusaid láhka
- Stáhta máksomeriid árvalusat (johtučála A-2/2011)
- Bargodepartemeanta