Fylkkamánni galgá bargat nationála eanandoallopolitihka čađahemiin dan láhkai, ahte dat galgá juohkit dieđuid, hálddašit gaskaomiid ja bargat báikkálaččat heivehuvvon doaimmaiguin. Fylkkamánni bargá eanandoallosuorggis doaimmaiguin, mat eanaš čatnasit doarjja- ja buhtadusortnegiid hálddašeapmái.
Fylkkamánni rávve ja juohká dieđuid gaskaomiid geavaheami birra gielddaide, geahččalanbiirriide ja eanan- ja gilvvagárdedoalu ealáhusbargiide. Fylkkamánni galgá álggahit ja ovddidit suorggi árvoráhkadeami ja ovdánahttima.