Hálddašanláhka mearrida earret eará mo gielda dahje stáhta hálddašanorgána galgá dahkat mearrádusaid, ja addá dutnje ássin čielga vuoigatvuođaid, go leat oktavuođas almmolaš eiseválddiiguin:
- Dus lea vuoigatvuohta oažžut dieđu áššis, mii lea jođus.
- Dus lea vuoigatvuohta ohcat ráđi advokáhtas dahje geas nu, geasa luohtát.
- Dus lea (muhtin spiehkastagaiguin) vuoigatvuohta oaidnit iežat ášši dokumeanttaid.
- Dus lea vuoigatvuohta diehtit mo mearrádusa vuođuštit.
- Dus lea vuoigatvuohta váidalit ovttaskas mearrádusa.
- Du áššegoluid sáhttet muhtin dáhpáhusain gokčat, jos mearrádus rievdaduvvo váidalusa vuođul.
- Don galggat oažžut mearrádusa dahkkis veahki váidaleapmái.
Dušše mearrádusat, mat gusket ovttaskas olbmuid vuoigatvuođaide ja geatnegasvuođaide, adnojit ovttaskas mearrádussan. Fylkkamánni lea muhtin ovttaskas mearrádusaid váidalaninstánsa.