Čáhci
Čáhci lea buohkaid eallimii vealtameahttun valljodat. Mis lea ollu buhtes čáhci Norggas, muhto čázi kvaliteahtta ii leat nu buorre juohke sajis.
Heajos čáhcekvaliteahta dagaha dávjjimusat:
- nuoskkideapmi, omd. suvron, muhkki liiggás geavaheapmi ja birasmirkkuid leavvan
- čázádatmuddema fysihkalaš rievdadusat, hehttehusat nu movt geainnut ja ruovdemáđijat, ja čáhcerokkit ja eará doaimmat, maiguin čázit stivrejit kanálaide
- biologalaš váikkuhusat, nu movt vieris guollešlájat, gárgidan šaddadanguolit ja luossaparasihtta
Čáhcehálddašeami ovttasbargu
Čáhci golgá gosa dat golgá. Eanaš čázádagat golget máŋgga gielddas dahje fylkkas, ja muhtin čázádagaid mii juogadit ránnjáriikkaideametguin. Danin čázi galgá hálddašit ovttasbarggus báikkálaš, guovlluguovdasaš ja guovddášeiseválddiiguin. Mii ovttasbargat maiddái ránnjáriikkaideametguin Ruoŧain, Suomain ja Ruoššain.
Norga juohkása oktanuppelot čáhceguovlun. Guđege guovllus leat nammadan ovtta fylkkagieldda čáhceguovloeiseváldin. 2015 mearridit guovlluguovdasaš čáhcehálddašanplánaid, main leat konkrehta doaimmat. Dat laktása EU čázi rámmadirektiivva ásaheapmái.
Fylkkamánni barggut
Birasgáhttendepartemeanta lea ovddasvástideaddji eiseváldi EU čázi rámmadirektiivva ásaheami oktavuođas. Fylkkamánni ovddasta Birasgáhttendepartemeantta guovllu dásis, ja galgá
- čohkket dieđuid čázi dilis ja árvvoštallat birasdili
- gozihit ja kártet váttisvuođaid
- doaibmat birasfágalaš ráđđeaddin eará eiseválddiid ektui, maidda ášši guoská
Čáhcái čuhcet máŋggalágan doaimmat. Mii háliidit ahte mis lea buhtes čáhci dál ja boahtteáiggis, ja dan galgá váldit vuhtii buot fágasurggiid doaimmaid árvvoštallamiin.
Relevánta liŋkkat:
www.vannportalen.no