Álbmotdearvvašvuohta
Álbmotdearvvašvuođabargu lea servodaga oktasaš áŋgiruššan dan ovdii ahte doalahit, buoridit ja ovddidit álbmoga dearvvašvuođa, ja maiddái geahpedit fáktoriid, maidda laktása dearvvašvuođariska. Álbmotdearvvašvuohta ovdanbuktá maid álbmoga dearvvašvuođadili ja mo dearvvašvuohta juohkása álbmoga sierra sosiála gerddiin. Álbmotdearvvašvuođabargguin galgá maid dásset sosiála dearvvašvuođaerohusaid.
Álbmotdearvvašvuohta lea mávssolaš ovttasdoaibmaođastusa oktavuođas
Ovddalgihtii eastadeapmi ja dearvvašvuođa ovddideapmi lea mávssolaš sihke dearvvašvuođasuorggis ja dan olggobealde. Álbmotdearvvašvuođalága vuođul leat fylkkagielddat ja gielddat ožžon váldoovddasvástádusa viiddis servodaga fátmmasteaddji álbmotdearvvašvuođabarggus.
Fylkkamánni galgá sihkkarastit ahte álbmotdearvvašvuohta váldojuvvo vuhtii plánain
Fylkkamánni galgá leat mielde ollašuhttimin stáhta áŋgiruššamiid álbmotdearvvašvuođasuorggis. Viiddis álbmotdearvvašvuođabargguin galget sihkkarastit nana servodatovdáneami, ja plánen lea nappo mávssolaš gaskoapmi dan barggus. Gielddaid ja eará aktevrraid rávvemiin ja bagademiin Fylkkamánni galgá leat mielde sihkkarastimin, ahte álbmotdearvvašvuohta lea mielde gielddaid, guovlluid ja stáhta plánain. Fylkkamánni galgá ovddidit aktevrraid gaskii čadni ovttasbarggu.
Fylkkamánni galgá gozihit, ahte gielddat ja fylkkagielddat ollašuhttet geatnegasvuođaideaset álbmotdearvvašvuođasuorggis.