Mánáidgárdi
Mánáidgárdi galgá leat pedagogalaš doaibma, mii addá daid mánáide, maidda skuvlageatnegasvuohta ii vel guoskka, buriid ovdánan- ja doaibmavejolašvuođaid. Buot gielddain lea lágas nannejuvvon geatnegasvuohta fállat doarvái mánáidgárdesajiid. Váhnemiid mávssuid lassin gielddat leat ieža geatnegasat ruhtadit mánáidgárddiid.
Ruhtadangeatnegasvuhtii ii galgga dábálaččat váikkuhit dat, doaimmahago gielda ieš mánáidgárddi vai doaimmahitgo dan earát (geatnegasvuohta ii dattetge guoskka earáid doaimmahan mánáidgárddiide, mat leat ohcan dohkkeheami ođđajagemánu 1. b. 2011 maŋŋá).
Fylkkamánni doaimmat
Fylkkamánni galgá mánáidgárdesuorggis bagadit mánáidgárdeeaiggádiid, ležžet dal gielddat dahje earát, mánáidgárdelága vuođul ja gozihit ahte gielddat ollašuhttet bargguid, mat sidjiide gullet mánáidgárdelága ja dasa gullevaš láhkaásahusaid vuođul.
Fylkkamánni meannuda ovttaskas mearrádusaid váidalusaid mánáidgárdelága ja dasa gullevaš láhkaásahusaid vuođul. Ovttaskas mearrádusa váidalusa galgá sáddet vuos dan instánsii, mii mearrádusa lea dahkan. Jos instánsa ii mieđa váidalussii, de dan galgá sáddet Fylkkamánnii, mii meannuda dan loahpalaččat.
Relevánta liŋkkat:
- Mánáidgárdeláhka
- Láhkaásahusat
- Oahpahusdirektoráhta neahttasiiddut mánáidgárddiid birra