Giefiesvoetem nåhkehtidh

Soejkesje råjvarimmieh buerkeste ihke gaajhkesh edtjieh nuepiem åadtjodh barkose båetedh, maanah jïh noerh edtjieh maehtedh meatan årrodh jïh skearkagidh, jïh aaj råajvarimmieh mah jieledetsiehkide bueriedieh dejtie mah nåakemes utnieh. Aaj laake sosijaale dïenesji bïjre NAV'sne ulmine åtna jieledetsiehkide bueriedidh dejtie mah nåakemes utnieh, jïh soijaale jïh ekonomeles jearsoesvoetem sjugniedidh.

Fylhkenålma edtja lïerehtimmine viehkiehtidh

Fylhkenålman laavenjasse lea lïerehtimmine, evtiedimmine, maahtojne jïh kvaliteetine viehkiehtidh dejnie sosijaale dïenesjinie Nav'sne, jïh jeatjah gaavhtan ekonomeles raeriestimmiem jïh sosijaale dïenesjh tjïrrehtidh  mah leah maanaj jïh noeri bïjre.

Dåarjoe juktie giefiesvoetem nåhkehtidh

Lissine dle Fylhkenålma jienebh beetnehdåarjoeöörnegh reerie. Dah dåarjoeh leah akte lïhtse dahkoesoejkesjisnie giefiesvoeten vööste, jïh gaajhkh tjïelth maehtieh dåarjoen bïjre syökedh. Fylhkenålma jïh Barkoe- jïh tryjjesdirektovraate (Nav) veeljieh mah tjïelth mah edtjieh dåarjoem åadtjodh. Dåarjoe  råajvarimmide maanagiefiesvoeten vööste edtja  giefiesvoetem jïh sosijaale eksklusjovnem heerredidh jïh giehpiedidh maanaj, noeri jïh maanafuelhkiej luvnie mah sosijaaleviehkiem åadtjoeh NAV'ste. Gåetiesosijaale barkoen tjïrrh edtja tjïelten dïenesjidie  nænnoestehtedh  jïh evtiedidh guktie dah buerebelaakan maehtieh gorredidh dam viehkiem mah gåetieluhpehts almetjh jïh geeruveutnijh jïjtsh gåetesne daarpesjieh.