Miljøvennleg bestikk

Frå 3. juli vert det forbode å omsetja ei rekke eingongsprodukt i plast.

Vil bidra til mindre forsøpling av plast

Mange av produkta som blir forbodne hamner som søppel på norske og europeiske strender. Forbodet kan medføre at bruken av plastartiklane vert redusert med 1,9 milliardar einingar eller 3.600 tonn årleg i Noreg.

Produkta det gjeld:

• bestikk
• tallerkenar
• sugerøyr
• ballongpinnar
• røyrepinnar og bomullspinnar i plast
• matbehaldarar
• drikkebeger og drikkevaremballasje av isopor

Forbodet gjeld ikkje for bomullspinnar og sugerøyr til bruk som medisinsk utstyr.

- Forbodet, som omfattar heile EU, vil bidra til betydeleg reduksjon i forsøpling av plast i naturen, seier Ellen Hambro, direktør for Miljødirektoratet.

Les meir om saka på heimesida til Miljødirektoratet.

Ein milepæl for miljøet

Plastforsøpling er eit av det raskast aukande miljøproblemet i verda, og plasten truar alt dyreliv så vel som helsa til menneske. I Noreg hamnar 8400 tonn plast i naturen kvart einaste år. Det utgjer to kilo per person, som er seks gongar høgare per innbyggar enn i Sverige og Danmark.

- Sjølv om det meste av eingongsplasten blir handtert i avfallssystemet og ikkje kjem på avvege, vil forbodet redusera forsøpling og skader på dyreliv og miljø. Det er dessutan dårleg utnytting av ressursar å bruka eit produkt berre éin gang, seier klima- og miljøminister Sveinung Rotevatn.

Marin forsøpling er både eit lokalt, nasjonalt og globalt problem, som kryssar landegrenser og havområde.

Les meir om forbod mot eingongsplast på regjerninga.no