Tilskot til utvikling av dei sosiale tenestene i NAV-kontoret

Målgruppa for ordninga er sosialt og økonomisk vanskelegstilte som har behov for sosiale tenester, og andre som står i fare for å kome i ein vanskeleg livssituasjon.

Det er NAV-kontora i Vestfold og Telemark som kan søkje. 

Følgjande område vil bli særskilt prioriterte i 2023:

• Heilheitleg og samordna tenestetilbod tilpassa brukarane sitt behov
• Arbeid med barnefamiliar, ungdom, innvandrarar og langtidsmottakarar av sosiale tenester
• Sikring av sårbar overgang, blant anna lauslating etter straffegjennomføring, mellom utdanning og arbeidsliv, og mellom ulike tenester som barnevernet og NAV
• Førebyggjing og/eller tidleg innsats

For meir informasjon sjå fullstendig utlysingstekst ein annan stad på nettsida. Der finn de også regelverk og søknadsskjema.

Det overordna målet med tilskotsordninga er å gi eit heilskapleg og samordna tenestetilbod tilpassa behova til brukarane.

Gjennom nye arbeidsmetodar og samarbeidsformer skal brukarane oppleve auka kvalitet i tenestene, og gjennom dette også betra levekår. Tenestene skal utformast slik at brukarane kan få moglegheit til å nytte arbeidsevna si, slik at flest mogleg kjem i lønna arbeid og beheld tilknytinga til arbeidslivet over tid.

Søknadsfrist er 1. februar 2023.