Tilskot til utvikling av dei sosiale tenestene i NAV-kontora

Kva for lokale utfordringar kan dette utviklingstilskotet vere med og bøte på?

Formålet med tilskotsordninga er å stimulere til å utvikle sosiale tenester som er heimla i sosialtenestelova. Det overordna målet er eit heilskapleg og samordna tenestetilbod som er tilpassa behova til brukarane. Gjennom nye arbeidsmetodar og samarbeidsformer skal brukarane oppleve auka kvalitet i tenestene og gjennom dette ei betring i levekåra. Tenestene skal utformast slik at brukarane kan få eit høve til å gjere seg nytte av arbeidsevna si, slik at flest mogleg kjem i løna arbeid og får behalde tilknytinga til arbeidslivet over tid.

Målgruppa for ordninga er sosialt og økonomisk vanskelegstilte som har behov for sosiale tenester, og andre som står i fare for å kome i ein vanskeleg livssituasjon.

Følgjande utviklingsområde blir særskilt prioriterte i 2020

• bruk av ordinært arbeidsliv
• oppfølging av barnefamiliar, ungdom og innvandrarar
• sikring av sårbare overgangar, blant anna lauslating etter straffegjennomføring, overgangar mellom ulike tenester, utdanning og arbeidsliv

Vi presiserar at det ikkje gis tilskot til:

• kommunar som mottek programfinansiering gjennom 0-24 satsinga og som søker om tiltak til same målgruppe
• iverksetting av ferdig utvikla metodar og arbeidsmåtar
• søknader som berre omtaler ei auke i kapasiteten i tenesta