Høyring om ny integreringslov

Kunnskapsdepartementet sendte 16. august 2019 ut eit høyringsnotat angåande forslag til ny lov om integrering, og forslag til endring i lov om norsk statsborgarskap.

Lova skal bidra til rask kvalifisering

Føremålet med lova er blant anna å bidra til rask kvalifisering av nyankomne flyktningar. Sentrale grep er lovfesting av kompetansekartlegging og karriererettleiing i forkant av oppstart i introduksjonsprogrammet. Lovforslaget skal også bidra til at fleire skal få formelle kvalifikasjonar gjennom formell utdanning i programmet.

Vi er positive til ny lov om integrering

Fylkesmannen i Vestland er generelt positiv til departementet sitt forslag om å oppheve introduksjonslova frå 2003, og innføre ei ny lov om integrering. I vårt høyringssvar har vi tatt konkret stilling til dei forslaga som i stor grad vil, eller kan, påverke vårt arbeid. Dei andre forslaga har vi, ut ifrå vår rolle, ingen kommentarar til.

I menyen til høgre finn du vårt høyringssvar.