Utgreier deling av Kinn kommune
Statsforvaltaren har fått oppdrag av kommunal- og distriktsministeren om å greie ut konsekvensane av ei deling av Kinn kommune. Utgreiinga skal sendast til kommunen seinast 5. august 2022.
Dette innhaldet er meir enn eitt år gammalt. Informasjonen kan derfor vere utdatert.
Kinn kommunestyre gjorde i møte 10.02.2022 vedtak om at dei skulle søkje om utgreiing av deling av kommunen. Statsforvaltaren tilrådde i brev datert 08.03.2022 at Kommunal- og distriktsdepartementet avgjer at det etter inndelingslova skal setjast i gang ei utgreiing i tråd med vedtaket til kommunestyret.
Statsforvaltaren har i brev datert 16.05.2022 frå Kommunal- og distriktsministeren fått i oppdrag å sende utgreiinga om delinga til Kinn kommune.
Samstundes har kommunal- og distriktsministeren sendt brev til Kinn kommune om eit mogleg tidsløp.
Eit eventuelt vedtak om deling av Kinn må gjerast av Kongen i statsråd.
Les meir i breva frå kommunal- og distriktsministeren.