Leve heile livet-konferanse i Bergen

Det regionale støtteapparatet for Leve heile livet i Vestland arrangerer to Leve heile livet-konferansar i haust. Konferansane blir arrangert 27. oktober på Skei og 9. november i Bergen. Programmet for dei to konferansane blir likt. Ved å følgje denne lenkja får du meir informasjon om og kan melde deg på konferansen på Skei.

Frå samarbeid til samskaping

På konferansen vil du mellom anna få meir informasjon om korleis reforma og nasjonale satsingar kan støtte opp under utviklinga av samskapande prosessar i kommunane, døme på korleis ein kommune har jobba med samskaping, KS sitt nye framtidsverktøy og tryggleiksstandarden. Korleis næringslivet og kommunane kan jobbe i lag blir også tema, før vi avsluttar med ein kafédialog.

Programmet finn du under «Dokument».

Påmelding

For å delta på konferansen, må du melde deg på via skjemaet nedst på denne sida. Prioritert målgruppe for konferansen er tilsette i kommunane. Vi oppmodar kommunane om å stille med deltakarar frå ulike fagområde, eldreråd og politikarar. Kommunane kan melde seg på med inntil fire personar kvar.  

Vi har 150 plassar på konferansen i Bergen. Statsforvaltaren dekker dagpakke for deltakarane. Påmelding er bindande, og påmeldingsfristen er 2. oktober. Dersom du ikkje møter, eller ikkje melder deg av før fristen, blir du fakturert for dagpakke.

Ved å melde deg på denne samlinga, samtykker du samtidig til at vi deler informasjonen din med konferansehotellet og samarbeidspartar. Les meir om personvern under «Lenkjer».