Freistande smakar frå Fjord-Norge på verdas største matmesse

Kven står bak prosjektet?

IGW er organisert som prosjekt. Statsforvaltarane i Rogaland, Møre og Romsdal og Vestland samarbeider om prosjektet, som er formelt eigd av Statsforvaltaren i Vestland. Finansieringa kjem frå den regionale partnarskapen; Innovasjon Norge, fylkeskommunane og Statsforvaltarane i nemnde fylke.

Matarena AS har prosjektleiaransvaret og gjennomfører mesteparten av det praktiske arbeidet.

Kvifor reise til Berlin?

Norges deltaking på IGW har som overordna mål å bidra til å utvikle Norge som mat- og reiselivsnasjon, med tydeleg lokal og regional identitet. Landbruks- og matdepartementet si satsing på denne messa skal stimulera til næringsutvikling, samarbeid, nettverksbygging og innovasjon på tvers av regionale- og næringsmessige grenser.

For deltakarane er dagane i Berlin ei unik moglegheit for å bli kjende med andre gardsmat- og reiselivsaktørar. Det er ikkje usannsynleg at nye produkt og avtaler har sitt opphav frå hektiske arbeidsdagar på messestanden i Berlin. Det er desse matopplevingane og reiselivstilboda som er den minneverdige essensen i besøksopplevingane turistane får med seg når dei kjem til Noreg.

Mangfald av råvarer

Det vert råvarer og foredla produkt frå kjøt, fisk, sjømat, ost og urter som utgjer ingrediensane i rettane som skal serverast i Berlin. Sider og eplemost av høg kvalitet vert med, og vil ha ein tydeleg plass i marknadsføringa av regionen. I ein «Tasting-Lab» vil vi invitere sommelierar, matskribentar, presse og tyske importørar til å teste ulike lokale siderar, som til saman blir “Smaken av Fjord Norge”.

Smaksverkstad med nye smaksopplevingar

4. november er produsentar, kokkar og arrangørar samla til smaksverkstad på Kokstad. Her lagar dyktige matfagleg ansvarlege, saman med deltakarane, nye og velsmakande rettar, sett saman av eit mangfaldig utval råvarer frå regionen. Her vert også deltakarverksemdene presenterte for kvarandre.

Desse er med frå Fjord-Norge

Møre og Romsdal

Vestland

Rogaland

Kontaktpersonar hos Statsforvaltaren

Aud Lindset Drågen - Statsforvaltaren i Møre og Romsdal,
fmmrald@statsforvalteren.no / 90 86 54 59

Annabell Pfluger – Statsforvaltaren i Rogaland,
fmroapf@statsforvalteren.no / 97 61 38 07

Marit Hjortung – Statsforvaltaren i Vestland,
fmsfmhj@statsforvalteren.no / 90 61 95 92

Prosjektleiar Dirk Kohlmann - Statsforvaltaren i Vestland,
fmhodkt@statsforvalteren.no / 41 29 65 50