Nytt om miljø og klima

Løyve etter forureiningslova til arbeid i sjø ved nordre Luravika i Sandnes

Fylkesmannen har etter søknad, gitt Sandnes kommune løyve til utfylling i sjø i samband med etablering av ei badestrand ved Luravika.

02.03.2018

Etterkunngjering av endra løyve til arbeid i sjø ved Gjellestadvika

Fylkesmannen har etter søknad endra løyve til Aker Solutions AS for arbeid i sjø ved Gjellestadvika i Eigersund kommune. Endringa omfattar plassering av tiltaket og tidsavgrensing av sprenging i sjø.

28.02.2018

Søknad frå Pelagia Egersund Sildjoljefabrikk AS

Pelagia Egersund Sildoljefabrikk AS har 30.1.2018 søkt Fylkesmannen om endring av løyve etter forureiningslova for sitt anlegg for produksjon av fiskemjøl- og olje. Verksemda har søkt om løyve til å omfatte ein årleg produksjon av inntil 40.000 fiskemjøl og 15.000 tonn fiskeolje.

22.02.2018

Etterhandskunngjering av løyve til Ineo Eiendom AS

Fylkesmannen har gitt løyve til utslepp av lensevatn frå byggegrop med forureina grunn på eigedom 111/253 felt A6/A7 ved Havneparken, Indre Vågen i Sandnes kommune.

13.02.2018

Erstatning i 2017 for tap av husdyr til freda rovvilt i Rogaland

Skadesituasjonen i 2017 var ganske lik som i fjor. Begge desse beitesesongane vart prega av meir enn vanleg tap av lam/sau til jerv. Totalt er det i Rogaland utbetalt kr 535 832,- i erstatning for tap av husdyr til freda rovvilt i 2017.

12.02.2018

Søknad Forus Energigjenvinning 2 AS

Forus Energigjenvinning 2 AS har i dag 2 løyver etter forureiningslova for sitt avfallsforbrenningsanlegg med energigjenvinning på Stokka i Sandnes kommune. I brev av 22.12.2017 søker verksemda om å få slå samen løyva, og samstundes om å få ta imot og brenne fleire typar avfall enn i dag.

09.02.2018

Løyve til arbeid i sjø ved Vorravågen i Karmøy

Fylkesmannen har etter søknad, gitt Karmøy Winch AS løyve til sprenging og mudring i sjø for å utbetre leia mellom Lille Lyngholm og Kattholskjer ved å utdjupe grunnen.

09.02.2018

Overføring og endring av løyve til utfylling Lervig Brygge AS i Stavanger

Fylkesmannen har etter søknad, overført løyve som var gitt Statens vegvesen Region vest til Lervig Brygge AS. I tillegg er enkelte vilkår i løyve endra.

09.02.2018

Nortura SA avd Forus søker om endra løyve etter forureiningslova

Det er søkt om å gjere endringar i løyve etter forurensningslova §11, jf. §16. Verksemda er lokalisert i Gamle Forusvei 50 i Stavanger kommune.

09.02.2018

Besøksstrategi for Jærstrendene

Fylkesmannen har fått i oppdrag frå Miljødirektoratet å utarbeide ein eigen besøksstrategi for Jærstrendene landskapsvernområde.

Strategien skal nyttast som eit verktøy i ein strategisk og god forvaltning av verneområdet, slik at:

• opplevingane for dei besøkande og den lokale verdiskapinga skal bli størst mogleg
• samstundes som forståing for vernet vert auka og verneverdiane vert teken vare på i eit langt perspektiv. Ved interessemotsetnader mellom bruk og vern skal verneverdiane ha forrang.

08.02.2018

Etterkunngjering endra løyve utslepp lensevatn Indre Vågen i Sandnes kommune

IVAR IKS sitt løyve til utslepp av lensevatn til Indre Vågen i Sandnes kommune, er endra. Endringa gjeld auke i tid utsleppet kan skje.

06.02.2018

Løyve til utslepp av reinsa vatn frå driving av Rogfast E13 sidetunnel Arsvågen i Bokn kommune

Fylkesmannen har etter søknad gitt Statens vegvesen Region vest eit løyve til utslepp av reinsa vatn frå driving av Rogfast E13.

05.02.2018