English Norsk (bokmål) Davvisámegiella Åarjelsaemiengiele

Nyhende

Rogfast: Vegvesenet fekk delvis medhald av Miljødirektoratet

Statens vegvesen klaga på Fylkesmannen i Rogaland sine krav om at utfylte massar skulle vera reine, og at utfyllingsmassane ikkje skulle innehalde skyteleidningar av plast. Miljødirektoratet har tatt klagen delvis til følgje og sett nye krav til gjennomføringa av første fase av Rogfast-prosjektet.

26.09.2017

Nordisk Inn på tunet-samling i Kristiansand

Korleis kan kontakt med planter, dyr og naturopplevingar gje betre livskvalitet for ulike brukargrupper? Det er hovudtemaet på Inn på tunet-konferanse i Kristiansand 31. oktober - 1. november. Konferansen blir samkøyrt med Nordisk forskarsamling innan «Green care and nature based interventions» og finn stad på Scandic Sørlandet Hotell Kristiansand.

20.09.2017

Erstatning ved avlingssvikt forårsaka av klima

Denne sommaren har det vore svært store nedbørsmengder. Fylkesmannen er førebudd på at det kan kome mange søknader om erstatning for avlingssvikt forårsaka av klima etter denne vekstsesongen. Det er mogleg å søkje om erstatning innanfor følgjande vekstgrupper; grovfôr, korn, poteter, grønsaker, frukt og bær. I tillegg kan det søkjast om erstatning for svikt i honningproduksjonen.

13.09.2017

Nyttig møte i ressursgruppa for regional jordvernstrategi

Jordvern er viktigare enn nokon gang. Det var ei samstemt forsamling som ønskjer eit sterkare jordvern i Rogaland. Målsetting og korleis nå dette var tema rundt bordet i dag. Rogaland er som kjent verstingfylket, kor om lag 1500 dekar dyrka jord er bygd ned årleg dei siste ti åra. Jæren-regionen, frå Randaberg til Hå, har stått for 78 % av dette.

08.09.2017

Meir sjølvråderett og rettstryggleik for pasientane

Frå 1. september 2017 er det nye reglar for psykisk helsevern. Den mest inngripande endringa er at pasientane sin samtykkekompetanse må vurderast ved innlegging på psykiatriske institusjonar.

01.09.2017

Nasjonal kulturlandskapspris 2017 til bøndene på Kvitsøy

Landbruks- og matminister Jon Georg Dale tildelte 1. august 2017 Den nasjonale kulturlandskapsprisen til bøndene på Kvitsøy. Dei får prisen for god skjøtsel og forvaltning av kulturlandskapet, først og fremst gjennom aktiv beite med sau på dei mange øyane.

01.08.2017

Rogaland har fått sitt eige matmanifest

I dag har Fylkesmannen signert Matmanifest for Rogaland i samband med opning av Gladmat 2017, saman med ei rekke andre med aktørar i matbransjen. Matmanifestet skal oppmuntre bedrifter og folk til å bruke og framheve lokale matopplevingar, råvarer og produkt.

19.07.2017

Er tida moden for Bondens Marked i Rogaland?

Mat og reiseliv i Rogaland har fått ein skikkeleg boost dette året og er på stigande kurs. Forbrukarane har lenge etterspurt meir lokal mat og da er det vel på tide å innfri ønsket om betre tilgang og meir mangfald.

12.07.2017

Rett til advokat ved tvangsmedisinering

Frå 1. juli har du rett til gratis hjelp frå advokat dersom du får vedtak om tvangsbehandling.

01.07.2017