Jordbruksforvaltning

Ny viltforskrift frå 1. april

Ei av endringane i den nye viltforskrifta er at avgjerdsmyndigheita for skadefelling av kvitkinngås i fylka Viken, Innlandet, Vestfold og Telemark, og Agder no er flytt frå fylkesmannen til kommunane.

Ny risikoavlastning for grøntprodusentane

Regjeringa har vedteke å utvide den eksisterande avlingsskadeordninga for jordbruket slik at den også tek opp i seg avlingssvikt som følge av mangel på arbeidskraft.

Ny versjon av Agros

Den nye versjonen inneheld blant anna løysing for digital innlevering av utbetalingsoppmodingar via Altinn og endringar i saksbehandlarløysinga relaterte til utbetalingsoppmodingar.

Kommunal veterinærteneste - stimuleringstilskot 2020

Kommunane har ansvar for å syte for at dyrehelsetenestane er tilfredsstillande. Vestfold og Telemark fylke har fått 984 000 kroner i stimuleringstilskot i 2020. Fylkesmannen har mottatt 4 søknader frå kommunane i Vestfold og Telemark.

Oppfølging av KOSTRA tala - landbruk

Dei førebelse KOSTRA tala er nå publisert. Dei syner at i Vestfold og Telemark er det omdisponert totalt 225 daa dyrka jord og 144 daa dyrkbar jord. Fylkesmannen fylgjer opp tala mot kommunane for å få rett rapportering til endeleg publisering 15. juni. Vi ber kommunane sjå på tala, både i høve til manglande rapportering og vurderinga av høge rapporteringstal. Innsending er fortløpande og siste frist er 20. april.

Hjelp til gode vurderingar etter naturmangfaldlova

Kommunane tek mange avgjerder som påverkar naturmangfaldet. Til hjelp i saksbehandlinga har Miljødirektoratet utvikla nettkurs. Kursa er gratis og tek ca 1,5 time å gjennomføre.

Oppdatert rundskriv om SMIL frå Landbruksdirektoratet

Rundskriv 2020-12 er oppdatert etter endringa gjord i SMIL-forskrifta frå 01.01.2020. Endringa er skildra i rundskrivet sitt kapittel 3. Utanom dette er dei ikkje gjorde endringar i rundskrivet frå 2019.

Autorisasjonskurs for plantevernmiddel i koronatider

Koronasituasjonen har medført problem når det gjeld gjennomføring av autorisasjonskurs for plantevernmiddel. Mattilsynet har laga eit oppsett for korleis kursane kan organiserast no som vanlege klasseromskurs ikkje er eit høve. Sjå vedlagt omtale av dette.

Kontakt gjerne NAV lokalt dersom du treng arbeidskraft i landbruket – eller ønskjer å bidrege med arbeidskraft

Oversikt over kontaktinformasjon til dei ulike lokale NAV-kontora i både Vestfold og Telemark ligger vedlagt.

Rask tilbakemelding om veterinærdekning og beredskapsplanlegging

Vi viser til dei to breva frå Landbruksdirektoratet og Fylkesmannen om veterinærdekninga til kommunen og beredskapsplanlegging.

Fylkesmannen ber om svar seinast onsdag 25. mars.

Svar kan sendast til Fylkesmannens postmottak.